ஆயுதக் குழுக்களைக் கைவிட்டால்தான் அணுசக்தி ஒப்பந்தம்!

ஈரானுக்கு அமெரிக்கா நிபந்தனை

- 

ரியாத், மே 14: மத்திய கிழக்கு பகுதிகளில் தங்களின் நிழல் ராணுவமாகச் செயல்பட்டுவரும் ஆயுதக் குழுக்களுக்கு ஆதரவு அளிப்பதை ஈரான் கைவிட்டால்தான் அந்த நாட்டுடன் அணுசக்தி ஒப்பந்தம் மேற்கொள்ளப்படும் என்று அமெரிக்கா திட்டவட்டமாகத் தெரிவித்துள்ளது.

சவூதி அரேபியாவுக்குச் சென்றுள்ள அமெரிக்க அதிபர் டொனால்ட் டிரம்ப், அந்த நாட்டின் தலைநகர் ரியாத்தில் புதன்கிழமை நடைபெற்ற நிகழ்ச்சியில் வளைகுடா ஒத்துழைப்பு கவுன்சில் நாடுகளின் தலைவர்களிடையே உரையாற்றினார். அப்போது இது குறித்து அவர் பேசியதாவது:

ஈரானின் அணுசக்தி திட்டங்களைக் கட்டுப்படுத்துவதற்காக அந்த நாட்டுடன் உடனடியாக ஓர் ஒப்பந்தத்தை ஏற்படுத்திக்கொள்ள விரும்புகிறோம். இருந்தாலும், பிராந்தியம் முழுவதும் தங்களுக்காக நிழல் யுத்தம் நடத்திவரும் ஆயுதக் குழுக்களுக்கு ஆதரவு அளிப்பதை அந்த நாடு நிறுத்தியாக வேண்டும். பிற நாடுகளில் நடைபெறும் பயங்கரவாதச் செயல்களுக்கு உதவுவதை அந்த நாடு கைவிட வேண்டும்.