ராகுலின் இந்திய குடியுரிமைக்கு எதிரான மனு: அலாகாபாத் உயர்நீதிமன்றம் தள்ளுபடி

மக்களவை எதிர்க்கட்சித் தலைவர் ராகுல் காந்தியின் இந்திய குடியுரிமைக்கு எதிராக தாக்கல் செய்யப்பட்ட மனுவை அலாகாபாத் உயர்நீதிமன்றத்தின் லக்னௌ அமர்வு திங்கள்கிழமை தள்ளுபடி செய்தது.

- 

லக்னௌ, மே 5:

மனுதாரர் இந்த விஷயத்தில் வேறு சட்ட வாய்ப்புகளை அணுகலாம் என்று நீதிமன்றம் கூறியது.

ராகுல் காந்தி தனது பிரிட்டன் குடியுரிமையை மறைத்ததாக கர்நாடக பாஜகவை சேர்ந்த எஸ். விக்னேஷ் சிசிர் நீதிமன்றத்தில் மனு தாக்கல் செய்திருந்தார். அதில், ராகுல் காந்தியின் குடியுரிமை பதிவுகள் பற்றிய விவரங்களைக் கோரி பிரிட்டன் அரசுக்கு மின்னஞ்சல் அனுப்பியுள்ளேன்.

இந்நிலையில், கடந்த 2022-ஆம் ஆண்டில், வி.எஸ்.எஸ்.சர்மா என்பவர் இதே கோரிக்கையை பிரிட்டன் அரசிடம் முன்வைத்து பதில் பெற்றுள்ளதை அறிந்தேன். அவரைத் தொடர்பு கொண்டு விவரங்களைக் கேட்டறிந்தேன்.