பணப் பிரச்னை: தம்பி மனைவியை கழுத்தறுத்துக் கொன்றவர் கைது

அரவக்குறிச்சி, மே 4: கரூர் மாவட்டம், அரவக்குறிச்சி அருகே பணப் பிரச்னையில் தம்பி மனைவியை கழுத்தறுத்துக் கொன்றவரை போலீஸார் சனிக்கிழமை இரவு கைது செய்தனர்.

- 

அரவக்குறிச்சி அருகே பாரதியார் நகர் பகுதியில் பெரியசாமி என்பவர் தோட்டம் ஒன்றை குத்தகைக்கு எடுத்து, அங்கேயே தங்கி விவசாயம் செய்து வருகிறார்.

இவரின் மகன்கள் பிரபாகரன் (31), சரவணகுமார் (29). இவர்கள் இருவரும் பொள்ளாச்சியைச் சேர்ந்த ஆறுச்சாமியின் மகள்களான மாசிலாமணி (25) மற்றும் கீர்த்தனா (20) ஆகியோரை திருமணம் செய்துள்ளனர்.

இவர்களில் பிரபாகரன்-மாசிலாமணி தம்பதி, தங்களின் 2 மகன்களுடன் அரவக்குறிச்சி அருகே உள்ள புஞ்சைகாளிக்குறிச்சியில் வசித்து வருகின்றனர்.