கோடைக் காலத்தை சமாளிக்க நீர்ச்சத்துள்ள பழங்களை உட்கொள்ள வேண்டும்

கோடைக்கால வெப்பத்தில் இருந்து தற்காத்துக் கொள்ள மக்கள் நீர்ச்சத்து அதிகம் உள்ள தர்பூசணி, முலாம்பழம், ஆரஞ்சு, திராட்சை உள்ளிட்ட பழங்களை உட்கொள்ளலாம் என மாநகராட்சி நிர்வாகம் அறிவுறுத்தியுள்ளது.

- 

கோவை, மார்ச் 25:

இது குறித்து மாநகராட்சி நிர்வாகம் வெளியிட்டுள்ள செய்திக் குறிப்பு:

வெயில் நேரங்களில் வெளியே செல்ல நேர்ந்தால் தொப்பி அணிந்து அல்லது குடை பிடித்து செல்வதுடன், காலணி அணிந்து செல்ல வேண்டும். வெளிர்ந்த நிறமுடைய தளர்வான பருத்தி ஆடைகளை அணிய வேண்டும். தண்ணீர் பாட்டிலை உடன் எடுத்துச் செல்ல வேண்டும். தாகம் எடுக்காவிட்டாலும் கூட அடிக்கடி தண்ணீர், இளநீர், மோர் போன்ற பானங்களை அருந்த வேண்டும்.