கைப்பற்றிய பணம் குறித்து எதுவும் தெரியாது: நீதிபதி விளக்கம்

'தீயணைப்புத் துறையினரால் எனது இல்லத்தில் கைப்பற்றப்பட்ட பணம் குறித்து எனக்கு எதுவும் தெரியாது; என் மீது சுமத்தப்படும் இக்குற்றச்சாட்டு அபத்தமானது' என்று தில்லி உயர்நீதிமன்ற நீதிபதி யஷ்வந்த் வர்மா அளித்துள்ள விளக்கத்தில் தெரிவித்துள்ளார்.

- 

புது தில்லி, மார்ச் 22:

புது தில்லியில் உள்ள நீதிபதி வர்மாவின் அதிகாரபூர்வ இல்லத்தில் கடந்த மார்ச் 14-ஆம் தேதி ஏற்பட்ட தீ விபத்தைத் தொடர்ந்து, இந்தப் பணம் கைப்பற்றப்பட்டதாகக் கூறப்பட்டது.

தேசிய அளவில் பரபரப்பை ஏற்படுத்திய இவ்விவகாரம் குறித்து நீதிபதி வர்மாவிடம் விளக்கம் பெற்று தில்லி உயர்நீதிமன்றத் தலைமை நீதிபதி டி.கே.உபாத்யாய் அறிக்கை சமர்ப்பிக்க உச்சநீதிமன்றத் தலைமை நீதிபதி சஞ்சீவ் கன்னா அறிவுறுத்தியிருந்தார்.