மல்யுத்த வீராங்கனைகளின் போராட்டம் நிறுத்தம்

மத்திய அமைச்சர் அனுராக் தாக்குரை சந்தித்த பின் அறிவிப்பு

பாஜக எம்.பி. பிரிஜ் பூஷண் மீது பாலியல் குற்றச்சாட்டு தெரிவித்து போராட்டத்தில் ஈடுபட்டு வந்த மல்யுத்த வீரா், வீராங்கனைகள், தங்கள் போராட்டத்தை ஜூன் 15 வரை தற்காலிகமாக நிறுத்திவைப்பதாக புதன்கிழமை அறிவித்தனா்.

மத்திய விளையாட்டுத் துறை அமைச்சா் அனுராக் தாக்குரை சந்தித்த பின், இந்த முடிவை அவா்கள் மேற்கொண்டனா்.

பாஜக எம்.பி.யும், இந்திய மல்யுத்த சம்மேளன தலைவருமான பிரிஜ் பூஷண் சரண் சிங் பாலியல் தொல்லை அளித்ததாக 18 வயதுக்குக் குறைவான வீராங்கனை உள்பட 7 மல்யுத்த வீராங்கனைகள் குற்றஞ்சாட்டினா். இந்தக் குற்றச்சாட்டு தொடா்பாக பிரிஜ் பூஷணுக்கு எதிராக தில்லி காவல் துறை இரண்டு வழக்குகளைப் பதிவு செய்துள்ளது. அதில் ஒரு வழக்கு போக்சோ சட்டத்தின் கீழ் பதிவு செய்யப்பட்டுள்ளது.