ரூ.30 கோடி கடன் வாங்கி தருவதாக கூறி ரூ.77 லட்சம் மோசடி: ஹரி நாடார் கைது

பல மாதங்களாக தலைமறைவானவர் திருச்சியில் சிக்கினார்

- 

பஸ் உரிமையாளருக்கு ரூ.30 கோடி கடன் வாங்கித் தருவதாகக் கூறி ரூ.77 லட்சம் பெற்று ஏமாற்றியதாக அரசியல் கட்சி நடத்தி வரும் ஹரி நாடார் கைது செய்யப்பட்டார். அவரிடம் இருந்து கட்டுக்கட்டாக பணம், 7 செல்போன்கள் பறிமுதல் செய்யப்பட்டன.

சென்னை மத்தியக் குற்றப்பிரிவில் பதிவு செய்யப்பட்ட பழைய வழக்குகள் குறித்து போலீஸ் கமிஷனர் அருண் ஆய்வு செய்து வந்தார். அதில் நிலுவையில் உள்ள வழக்குகளில் குற்றவாளிகளை கைது செய்ய உத்தரவிட்டார். பல மாதங்களாக குற்றவாளிகளை பிடிக்காமல் இருந்த டீமுக்கு பதில் வேறு தனிப்படையை அமைத்து குற்றவாளிகளை கைது செய்யவும் உத்தரவிட்டார்.