வலுவிழந்தது காற்றழுத்த தாழ்வு மண்டலம் 7 மாவட்டங்களில் இன்று மழை பெய்யும் வாய்ப்பு

தமிழகத்தில் வட கிழக்கு பருவ மழை தீவிரம் அடைந்துள்ளதை அடுத்தும், டிட்வா புயலின் தொடர்ச்சியாக உருவான காற்றழுத்த தாழ்வு மண்டலம் காரணமாக தமிழகத்தில் வட தமிழகம் உள்பட பல்வேறு இடங்களில் கனமழை பெய்து வருகிறது. இந்நிலையில், டிசம்பர் 2ம் தேதி தென் மேற்கு வங்கக் கடல் மற்றும் அதை ஒட்டிய மத்திய மேற்கு வங்கக் கடல் பகுதிகள்- வட தமிழகம்-புதுச்சேரி-தெற்கு ஆந்திர கடலோரப் பகுதிகளில் நிலை கொண்டு இருந்த காற்றழுத்த தாழ்வு மண்டலம் மெதுவாக மேற்கு திசையில் நகர்ந்து, வடதமிழகம்- புதுச்சேரி கடலோரப் பகுதிகள் மற்றும் அதை ஒட்டிய பகுதிகளில் ஆழ்ந்த காற்றழுத்த தாழ்வுப்பகுதியாக நேற்று வலுக்குறைந்து அதே பகுதிகளில் நிலை கொண்டு இருந்தது. பின்னர் அது காற்றழுத்த தாழ்வுப்பகுதியாக வலுக்குறையத் தொடங்கியுள்ளது.

- 

இதன் காரணமாக நீலகிரி, கோவை, ராணிப்பேட்டை, காஞ்சிபுரம், செங்கல்பட்டு, திருவள்ளூர் மற்றும் சென்னை மாவட்டங்களில் நேற்று ஓரிரு இடங்களில் கனமழை முதல் மிக கனமழை பெய்தது.