50 வயது நபருக்கு 6வது டும்...டும்...டும்... 23 வயது பெண்ணை விற்ற புரோக்கர்கள்

திண்டுக்கல் மாவட்டம், நிலக்கோட்டை அருகே கொடைரோடு பகுதியைச் சேர்ந்த 23 வயதுடைய இளம்பெண்ணுக்கு, திண்டுக்கல் பொன்நகரத்தை சேர்ந்த ஒரு பெண்ணுடன் செல்போன் மூலம் பழக்கம் ஏற்பட்டுள்ளது.

- 

அப்போது நிலக்கோட்டை பெண்ணிடம், திண்டுக்கல் பெண், தனக்கு தெரிந்த செல்வந்தர் ஒருவர் திருச்சியில் இருப்பதாகவும் அவரை திருமணம் செய்து கொண்டால் வசதியாக வாழலாம். உன் குடும்பத்தையும் கவனித்துக் கொள்ளலாம். என ஆசை வார்த்தை கூறி உள்ளார். இதுதொடர்பாக தந்தை, தங்கையிடம் சொல்ல வேண்டாம். திருமணம் செய்த பிறகு சம்மதம் வாங்கிக்கொள்ளலாம் எனவும் கூறியுள்ளார்.இதனை நம்பிய அந்த இளம்பெண், வீட்டில் உள்ளவர்களிடம் தெரிவிக்காமல், கடந்த 6ம் தேதி அதிகாலையில், திண்டுக்கல் பெண்ணுடன் திருச்சிக்கு சென்றுள்ளார். பின்னர் அங்கிருந்து கரூர் மாவட்டம் பேட்டைவாய்த்தலை நகரில் உள்ள ஒரு விடுதியில் தங்கியுள்ளனர். மற்றொரு அறையில் மணமகன் மற்றும் அவரது நண்பர்கள் தங்கியிருப்பதாகவும், மறுநாள் காலையில் திருமணம் நடக்க இருப்பதாகவும் அவர்கள் கூறியுள்ளனர்.