நயினார் நாகேந்திரன் இன்று முதல் தேர்தல் சுற்றுப்பயணம்

அதிமுகவினரும் பங்கேற்க எடப்பாடி அதிரடி உத்தரவு

- 

தமிழக பாஜ தலைவர் நயினார் நாகேந்திரன் இன்று முதல் தேர்தல் சுற்றுப்பயணத்தை தொடங்குகிறார். பிரசார தொடக்க விழாவில் கூட்டணி கட்சித் தலைவர்கள் பங்கேற்கின்றனர்.

தமிழக சட்டப்பேரவை தேர்தல் அடுத்த ஆண்டு நடைபெற உள்ளது. தேர்தலுக்கு இன்னும் 7 மாதங்கள் மட்டுமே எஞ்சியுள்ளது. தேர்தல் நெருங்கி வருவதால் அரசியல் கட்சியினரும் தேர்தலை சந்திக்க தயாராகி வருகின்றனர். அந்த வகையில், ஆளுங்கட்சியான திமுகவும் தேர்தலை சந்திப்பதற்கான பணிகளை முடுக்கி விட்டுள்ளது. இதேபோல, அதிமுக பொதுச்செயலாளர் எடப்பாடி பழனிசாமி தமிழகத்தை மீட்போம் மக்களை காப்போம் என்கிற பிரசார பயணத்தை நடத்தி வருகிறார். தவெக தலைவர் விஜய் சனிக்கிழமை தோறும் மக்கள் சந்திப்பு நிகழ்ச்சி நடத்தி வந்த நிலையில் கரூர் சம்பவத்தை அடுத்து அவரது சுற்றுப்பயணம் சில வாரங்கள் தள்ளி வைக்கப்பட்டுள்ளது.