மலை உச்சியில் உள்ள தூணில் தீபம் ஏற்றும் வழக்கம் கிடையாது

எங்கள் இடத்தின் வழியாக செல்ல உடன்பாடு இல்லை திருப்பரங்குன்றம் வழக்கில் வக்பு வாரியம் பரபரப்பு வாதம்

- 

திருப்பரங்குன்றம் மலையில் உள்ள தர்காவிற்கு செல்லும் படிக்கட்டுகள் இஸ்லாமியர்களுக்கு சொந்தமானது. மலை உச்சியில் உள்ள தூணில் தீபமேற்றும் வழக்கம் கிடையாது. தர்கா வழியாக சென்று தீபம் ஏற்ற எங்களுக்கு உடன்பாடு இல்லை என்று வக்பு வாரியம் சார்பில் உயர் நீதிமன்ற கிளையில் பரபரப்பு வாதம் வைக்கப்பட்டுள்ளது.

மதுரை திருப்பரங்குன்றம் மலை உச்சியில் தர்கா அருகே தீபம் ஏற்ற வேண்டுமென்ற தனி நீதிபதி ஜி.ஆர். சுவாமிநாதனின் தீர்ப்பை எதிர்த்து மதுரை கலெக்டர் மற்றும் கோயில் நிர்வாகம் தரப்பில் ஐகோர்ட் மதுரை கிளையில் மேல்முறையீடு செய்யப்பட்டது. இந்த மனு நீதிபதிகள் ஜி. ஜெயச்சந்திரன், கே.கே. ராமகிருஷ்ணன் ஆகியோர் முன் நேற்று மீண்டும் விசாரணைக்கு வந்தது.

வக்பு வாரியம் தரப்பில் வழக்கறிஞர் முபின் ஆஜராகி, “மலை உச்சியில் பல ஆண்டுகளுக்கு முன்னதாகவே தர்கா அமைந்துள்ளது. அதன் அருகில் தொழுகை நடந்து வருகிறது. அதுவும் அங்கு ஒரு வழக்கமாகவே உள்ளது. தர்கா அதை சுற்றியுள்ள அடக்க ஸ்தலங்கள், நெல்லித்தோப்பு பகுதி போன்றவை இஸ்லாமியர்களுக்கு சொந்தமானது.