தேவருக்கு பாரத ரத்னா விருது வழங்க வழிமொழிகிறோம் பசும்பொன்னில் ரூ.3 கோடியில் திருமண மண்டபம் அமைக்கப்படும்

மரியாதை செலுத்திய பின் முதல்வர் மு.க. ஸ்டாலின் பேட்டி

- 

பசும்பொன்னில் ரூ.3 கோடியில் தேவர் பெயரில் திருமண மண்டபம் அமைக்கப்படும் என முதல்வர் மு.க.ஸ்டாலின் தெரிவித்துள்ளார்.

ராமநாதபுரம் மாவட்டம், கமுதி அருகே பசும்பொன்னில் முத்துராமலிங்கத் தேவரின் 118வது ஜெயந்தி விழாவுக்காக தேவர் நினைவாலயத்திற்கு முதல்வர் மு.க. ஸ்டாலின் நேற்று காலை வந்தார். அங்குள்ள தேவர் சிலைக்கு மாலை அணிவித்து, மலர் தூவி மரியாதை செய்தார். பிறகு தேவர் நினைவு இல்லம் சென்ற அவர், அறங்காவலர் காந்திமீனாள் நடராஜன் மற்றும் குடும்பத்தாரை சந்தித்து நலம் விசாரித்தார்.