தமிழ்நாட்டின் சிலைக் கடத்தல் வழக்கில் ஒன்றிய அரசையும் இணைத்து உத்தரவு

தமிழ்நாட்டில் சிலை கடத்தல் வழக்கு விசாரணை கோப்புகள் மாயமான விவகாரத்தில் சிறப்பு புலனாய்வு குழு அமைக்க கோரி வழக்கறிஞர் யானை ராஜேந்திரன் என்பவர் உச்சநீதிமன்றத்தில் தொடர்ந்த மேல்முறையீட்டு மனு மீதான விசாரணை உச்ச நீதிமன்றத்தின் நீதிபதிகள் பி.வி நாகரத்னா மற்றும் ஆர். மகாதேவன் ஆகியோர் அடங்கிய அமர்வில் நேற்று விசாரணைக்கு வந்தது.

- 

அப்போது மனுதாரர் வழக்கறிஞர் யானை ராஜேந்திரன், "சிலை கடத்தல் வழக்கு தொடர்பான ஆவணங்கள் மாயமானது சாதாரண விஷயம் கிடையாது. சுமார் 38 காவல் நிலையங்களில் இருந்த 41 ஆவணங்கள் திருடுபோய் உள்ளது. அவை அனைத்தும் அழிக்கப்பட்டுள்ளது. மேலும் இந்த விவகாரம் தொடர்பாக ஒரு எப்.ஐ.ஆர் கூட பதிவு செய்யவில்லை. மேலும் வெளிநாட்டிற்கு கடத்தப்பட்ட சிலைகளின் விவரங்கள் காணாமல் போன ஆவணங்களில் இருந்தது" என்று தெரிவித்தார்.