மதவாத அரசியல் போதையை தடுக்க வேண்டும்... முதல் பக்க தொடர்ச்சி

திருச்சிராப்பள்ளி உழவர் சந்தை திடலில் மதிமுக பொதுச்செயலாளர் வைகோ தலைமையிலான சமத்துவ நடைபயணத்தை முதல்வர் மு. க. ஸ்டாலின் கொடியசைத்து நேற்று தொடங்கி வைத்தார்.

- 

அருகில், அமைச்சர்கள் கே. என். நேரு, ரகுபதி, அன்பில் மகேஷ் பொய்யாமொழி, சிவ. வீ. மெய்யநாதன், விசிக தலைவர் திருமாவளவன், இந்திய யூனியன் முஸ்லிம் லீக் தேசிய தலைவர் காதர் மொகிதீன், தி. க. பொதுச்செயலாளர் துரை சந்திரசேகரன், மநீம பொதுச்செயலாளர் அருணாசலம் மற்றும் எம்பி, எம்எல்ஏக்கள் உள்ளிட்டோர்.சாதி, மத மோதல் தடுப்பு உள்ளிட்ட நாட்டுக்கு தேவையான கருத்துகளை வலியுறுத்தி அண்ணன் வைகோ தொடங்கியிருக்கும் இந்த சமத்துவ நடைப்பயணம் மாபெரும் வெற்றி பெற வேண்டும். நிச்சயமாக வெற்றி பெறத்தான் போகிறது.

இளைஞர்களின் எதிர்காலத்தை சீரழிக்கும் போதை பொருட்களை நாம் நிச்சயம் ஒழிக்க வேண்டும். அதில் எந்த கருத்து மாறுபாடும், வேறுபாடும் கிடையாது. போதையின் பாதையில் இருந்து இளைஞர்களை காக்க வேண்டும். அதற்காக, அரசு பல்வேறு நடவடிக்கைகளை எடுத்து கொண்டு இருக்கிறது. அதன் மூலமாக, முழுமையாக அல்ல ஓரளவிற்கு பலனும் கிடைத்து கொண்டிருக்கிறது. ஆனால், ரொம்ப முக்கியமானது, அந்த பழக்கத்துக்கு அடிமையானவர்கள், அதன் பாதிப்புகளை உணர்ந்து, அந்த பழக்கத்தை கைவிட வேண்டும். அவர்களுடன் இருப்பவர்கள், அவர்களை திருத்த வேண்டும். போதை பொருட்களின் புழக்கம் என்பது, மிகப்பெரிய நெட்வொர்க். இந்த நெட்வொர்க்கை அழிக்க, மாநில அரசுகளும் ஒன்றிய அரசும் இணைந்து செயல்பட வேண்டும்.