உபியில் வாஜ்பாய் வெண்கலச் சிலை திறப்பு சட்டப்பிரிவு 370 நீக்கியதில் பாஜ பெருமை கொள்கிறது

உத்தரப் பிரதேசத்தில் வாஜ்பாய் வெண்கலச் சிலையை திறந்து வைத்த பிரதமர் மோடி, 'சட்டப்பிரிவு 370 என்ற சுவரை இடித்துத் தள்ள வாய்ப்பு கிடைத்ததை நினைத்து பாஜ பெருமை கொள்கிறது' என கூறி உள்ளார்.

- 

முன்னாள் பிரதமர் வாஜ்பாயின் 101வது பிறந்த நாளையொட்டி, உத்தரப் பிரதேச மாநிலம் லக்னோவில் ராஷ்டிர பிரேர்ணா ஸ்தலத்தை பிரதமர் மோடி நேற்று திறந்து வைத்தார். இந்த ஸ்தலத்தில் வாஜ்பாய், ஷ்யாமா பிரசாத் முகர்ஜி, பண்டிட் தீனதயாள் உபாத்யாயா ஆகியோரின் 65 அடி உயர வெண்கலச் சிலைகளும், 90 ஆயிரம் சதுர அடி பரப்பளவில் தாமரை வடிவ அருங்காட்சியகமும் அமைக்கப்பட்டுள்ளது. இந்த அருங்காட்சியகத்தை பிரதமர் மோடி பார்வையிட்டார்.