மதுரையில் கண்டன ஆர்ப்பாட்டம் திருப்பரங்குன்றத்தை உங்களால் அயோத்தியாக மாற்ற முடியாது

பாஜவுக்கு திருமாவளவன் சவால்

- 

திருப்பரங்குன்றத்தை உங்களால் அயோத்தியாக மாற்ற முடியாது என திருமாவளவன் மதுரையில் நடந்த ஆர்ப்பாட்டத்தில் பேசினார்.

திருப்பரங்குன்றம் தீப விவகாரத்தில், மதவெறி அரசியலை கண்டித்து விசிக சார்பில், மதுரை பழங்காநத்தம் பகுதியில் நேற்று மாலை ஆர்ப்பாட்டம் நடந்தது. இதில் அக்கட்சியின் தலைவர் திருமாவளவன் பேசியதாவது: இந்த போராட்டத்தை அறிவித்ததில் இருந்து எனக்கு எதிராக அவதூறுகளை பரப்பிகிறார்கள். திருப்பரங்குன்றம் பற்றி பேசுவதற்கு இந்த மண்ணை சேர்ந்தவன் என்பதே எனக்கான தகுதி. திருப்பரங்குன்றம் அமைதியாக இருக்குமிடம்.

இந்தியாவில் இந்து சமுதாயத்தை சார்ந்த ஒடுக்கப்பட்ட மக்களின் கொடுமைகளை கண்டித்து என்றாவது ஒரு நாள் பாஜ, ஆர்எஸ்எஸ் அமைப்பை சார்ந்தவர்கள் போராடிய சான்று இருக்கிறதா ?. எதை வைத்தாவது அரசியல் செய்து சமூக பதற்றத்தை உருவாக்கி ஆதாயம் தேடுவதே அந்த கும்பலின் நோக்கம்.