தமிழ்நாட்டிற்கே உரித்தான தூயமல்லி அரிசி, கவந்தம்பாடி நாட்டு சர்க்கரைக்கு புவிசார் குறியீடு

தமிழ்நாட்டிற்கே உரித்தான தூயமல்லி அரிசி மற்றும் கவந்தம்பாடி நாட்டு சர்க்கரைக்கு வேளாண் விளைபொருட்களுக்கு தனித்துவ புவிசார் குறியீடு பெறப்பட்டுள்ளது. கடந்த 4 ஆண்டுகளில் இதுவரை 9 வேளாண் பொருட்களுக்கு பெறப்பட்டுள்ளது.

- 

புவிசார் குறியீடு என்பது ஒரு குறிப்பிட்ட புவியியல் இருப்பிடத்திலிருந்து உருவாகும் ஒரு பொருளில் பயன்படுத்தப்படும் ஒரு அடையாளமாகும். அப்பொருட்கள் அவற்றின் உருவாகும் இடத்தின் சிறப்பு குணங்களைக் கொண்டதாக இருக்கும். உலகின் வெவ்வேறு பகுதிகளில் பல்வேறு வேளாண் பொருட்கள் உற்பத்தி செய்யப்பட்டாலும், குறிப்பிட்ட இடத்தில், பகுதியில் உற்பத்தி செய்யப்படும், பொருட்கள் அவை உருவாகும் இடத்தின் காரணமாக அவற்றின் சுவை, தரம் போன்ற சிறப்பு குணங்களைக் கொண்டு இயற்கையில் தனித்துவமானதாக விளங்குகின்றன.