Cymorth i bobl lleol brynu cartrefi yn eu cymunedau

AE nifer uchel o bobl yng Ngwynedd yn ei gweld hi'n anodd fforddio prynu cartref addas ar y farchnad agored, ond trwy Cynllun Prynu Cartref Gwynedd mae cefnogaeth ar gael i ymgeiswyr cymwys ddod yn berchen ar gartref.

- 

Mae'r cynllun rhannu ecwiti 'Cynllun Prynu Cartref Gwynedd' yn cynnig cymorth i bobl leol brynu tai o'r farchnad agored yn eu cymunedau eu hunain. Ers ei lansio ar ei newydd wedd yn 2022, mae'r cynllun gan Gyngor Gwynedd, mewn partneriaeth gyda Tai Teg a Llywodraeth Cymru, wedi cefnogi 62 o aelwydydd i brynu cartref yng Ngwynedd.

Trwy gydweithrediad gyda Pheilot Dwyfor, mae uchafswm gwerth eiddo y gellir ei brynu hefyd wedi cynyddu yn ddiweddar, gydag eiddo gwerth £350,000 yn gallu cael ei ystyried mewn achosion eithriadol - cynnydd o £50,000 o gymharu â'r trothwy blaenorol o £300,000.

Ei brif nodweddion:

Gall prynwyr cymwys ddefnyddio'r cynllun i brynu cartref ar y farchnad agored.

Gallu benthyg rhwng 10% a hyd at 50% o werth yr eiddo.

Uchafswm gwerth eiddo y gellir ei brynu: £300,000 - yn amodol ar dystiolaeth o angen (Gellir ystyried £350,000 mewn rhai achosion eithriadol)