வரத்து குறைவு எதிரொலி: ஈரோடு வ.உ.சி. மார்க்கெட்டில் தக்காளி விலை உயர்ந்தது

ஈரோடு வ.உ.சி. காய்கறி பெரிய மார்க்கெட்டிற்கு தாளவாடி, திருப்பூர், ஒட்டன்சத்திரம், ஆந்திரா போன்ற பல்வேறு பகுதிகளிலிருந்து காய்கறிகள் விற்பனைக்கு கொண்டுவரப்படுகிறது. தாளவாடி ஆந்திராவிலிருந்து வ. உ.சி மார்க்கெட்டுக்கு அதிக அளவில் தக்காளி விற்பனைக்கு கொண்டுவரப்படுகிறது. நாளொன்றுக்கு 5 ஆயிரம் முதல் 8 ஆயிரம் வரை தக்காளி பெட்டிகள் விற்பனைக்கு கொண்டுவரப்படுகிறது.

- 

கடந்த சில நாட்களுக்கு முன்பு வரத்து அதிகரித்து காணப்பட்டதால் தக்காளி ஒரு கிலோ சில்லறை விற்பனையில் ரூ.10 - 15 வரை விற்பனையானது. தற்போது ஆந்திராவில் இருந்து வரும் பெரும்பாலான தக்காளியில் சென்னைக்கு கொண்டு செல்லப்படுவதால் கடந்த சில நாட்களாக ஈரோடு வ.உ.சி மார்க்கெட்டிற்கு தக்காளி வரத்து குறைந்துள்ளது.