“தடைகளை உடைத்தெறிவோம், ஆதிக்கமற்ற, சமத்துவ சமுதாயத்தை அமைத்தே தீருவோம்”

முதல் அமைச்சர் மு.க. ஸ்டாலின் உறுதி

- 

முதலமைச்சர். மு.க. ஸ்டாலின் நேற்று (6.12.2025) சென்னை, கோட்டூர்புரம், அண்ணா நூற்றாண்டு நூலகத்தில் நடைபெற்ற முதலமைச்சரின் தாயுமானவர் திட்டம், கல்வி, சுயதொழில் மற்றும் அரசு நலத்திட்ட உதவிகள் வழங்கும் விழாவில், பல்வேறு நலத்திட்ட உதவிகளை வழங்கி, ஆற்றிய உரை வருமாறு :-

சிறப்பு விருந்தினராக இந்த விழாவிற்கு வருகை தந்து உரையாற்றிருக்கக்கூடிய கபடி விளையாட்டில் அர்ஜீனா விருதைப் பெற்றிருக்கக்கூடிய திரு. மணத்தி கணேசன் அவர்கள் இங்கு உரையாற்றிருக்கிறார். இவரை ஏன் அழைத்தோம்? என்றால், ஒரு கடைகோடி கிராமத்திலிருந்து தன்னம்பிக்கை ஒளியாக வெற்றி அடைந்தவர். அவரைப் போல் தமிழ்நாடு முழுவதும் இந்த பல்வேறு நலத் திட்டங்கள் பெற்றிருக்கக்கூடிய பயனாளிகள் தங்களுடைய பணிகளில் சிறந்து விளங்கவேண்டும். அதனால்தான், சிறந்த எடுத்துக்காட்டாக இருக்கின்ற அவரை சிறப்பு விருந்தினராக அழைத்திருக்கிறோம். அவர் இந்த மேடையில், ஓரிரு கோரிக்கைகளை எடுத்து வைத்தார். நிச்சயமாக, உறுதியாக அது நிறைவேற்றப்படும் என்ற உறுதியை இந்த நேரத்தில் நான் தெரிவித்துக் கொள்ள விரும்புகிறேன்.