பரிகார பூஜை செய்வதாக விவசாயியை கத்தியால் குத்திய சாமியார் கைது

நீலகிரி மாவட்டம் குன்னூர் அருகே உள்ள தூதூர்மட்டம் மகாலிங்க காலனி பகுதியைச் சேர்ந்தவர் சிவகுமார் (வயது 54). சாமியாரான இவர் தனது வீட்டிற்குள்ளேயே சாமி சிலை ஒன்றை வைத்து பொதுமக்களுக்கு குறி சொல்லி வருகிறார்.

- 

இந்த பகுதியில் வசித்து வருபவர் நாகராஜ் (40). இவர் காய்கறி விவசாயம் செய்து வருகிறார். நாகராஜ், சிவகுமாருக்கு தேவையான உதவிகளை செய்து வந்துள்ளார். சம்பவத்தன்று இரவு நாகராஜ் வெளியில் சென்று விட்டு வீட்டிற்கு வந்தார். அப்போது சாமியார் சிவகுமார், நாகராஜிடம் தனக்கு மதுபானம் வாங்கி வருமாறு தெரிவித்து பணம் கொடுத்தார். இதையடுத்து நாகராஜ் மது வாங்கி வந்து சாமியாருக்கு கொடுத்தார்.