கோபிசெட்டிபாளையம் அருகே சரக்குவேன் -மோட்டார் சைக்கிள் மோதிய விபத்தில் வாலிபர் பலி: நண்பர் படுகாயம்

ஈரோடு மாவட்டம் கோபி அருகேசீதாலட்சுமிபுரத்தைச் சேர்ந்தவர் ஜாகிர் உசேன் (வயது 28). கட்டிட வேலை பார்த்து வந்தார். நேற்று முன்தினம் வேலை எதுவும் இல்லாததால் தனது நண்பரான கோபிசெட்டிபாளையம் தாசப்பம் விதியைச் சேர்ந்த ரவிக்குமார் (28) என்பவரை அழைத்துக் கொண்டு மோட்டார் சைக்கிளில் வெளியே சென்றார். வண்டியை ஜாகிர் உசேன் ஓட்ட பின்னால் ரவிக்குமார் அமர்ந்து சென்று கொண்டிருந்தார்.

- 

இரவு மோட்டார் சைக்கிள் ஈரோடு -சத்தி மெயின் ரோடு, நாயக்கன் காட்டு பகுதியில் வந்து கொண்டிருந்தபோது அவர்களுக்கு முன்னால் ஒரு சரக்கு வேன் சென்று கொண்டிருந்தது. அப்போது அந்தப் பகுதியில் உள்ள ஒரு வளைவில் சரக்கு வேன் திடீரென திரும்பியது. இதை எதிர்பார்க்காமல் ஜாகிர் உசேன் சென்ற மோட்டார் சைக்கிள் சரக்கு வேன் மீது பயங்கரமாக மோதியது.