சில செய்தி நிறுவனங்கள் அதிமுக கூட்டணி வெற்றி பெறும் என கணிப்பு

தமிழ்நாடு, புதுச்சேரி, கேரளா, மேற்கு வங்காளம், அசாம் ஆகிய 5 மாநில தேர்தல் கருத்துக்கணிப்பு நேற்று வெளியானது.

- 

இதில் தமிழ்நாட்டில் மீண்டும் தி. மு. க. ஆட்சி அமைக்கும் என்பது தெரிய வருகிறது. சில நிறுவனங்கள் அ. தி. மு. க. கூட்டணி ஆட்சி அமைக்க வாய்ப்பு இருப்பதாக தெரிவித்து உள்ளது. புதுசேரியில் பா. ஜ. க. கூட்டணி மீண்டும் ஆட்சியை பிடிக்கும் என எதிர்பார்க்கப்படுகிறது.234 தொகுதிகளை கொண்ட தமிழக சட்டசபைக்கு கடந்த 23ம் தேதி ஒரே கட்டமாக தேர்தல் நடைபெற்றது. தேர்தலில் 85.10 சதவீத வாக்குகள் பதிவானது. தேர்தலில் பதிவான வாக்குகள் வரும் 4ம் தேதி எண்ணப்பட்டு அன்றே முடிவுகள் அறிவிக்கப்பட உள்ளன. தமிழக சட்டசபை தேர்தலில் திமுக கூட்டணி, அதிமுக கூட்டணி, தவெக, நாம் தமிழர் என 4 முனை போட்டி நிலவுகிறது.

இந்நிலையில், தேர்தலுக்கு பிந்தையை கருத்து கணிப்பு முடிவுகள் இன்று வெளியிடப்பட்டு வருகிறது. தமிழகத்தில் பெரும்பான்மைக்கு 118 தொகுதிகளை கைப்பற்ற வேண்டும் என்ற நிலையில், பல்வேறு நிறுவனங்கள் தேர்தலுக்கு பிந்தைய கருத்து கணிப்பு முடிவுகளை வெளியிட்டு வருகின்றன.

அதன் விவரம் பின்வருமாறு :-

பீப்பிள்ஸ் பல்ஸ் நிறுவனம் வெளியிட்ட கருத்து கணிப்பு முடிவுகள்

திமுக கூட்டணி - 125 முதல் 145 தொகுதிகளில் வெற்றி

அதிமுக கூட்டணி - 65 முதல் 80 தொகுதிகளில் வெற்றி

தவெக - 18 முதல் 24 தொகுதிகளில் வெற்றி