404 வாக்குறுதிகளை நிறைவேற்றி இருக்கிறோம்

«உங்கள் கனவை சொல்லுங்கள் « திட்டத்தை தொடங்கி வைத்து மு.க. ஸ்டாலின் உரை

- 

தமிழ்நாடு முதலமைச்சர். மு.க. ஸ்டாலின், நேற்று (9.1.2026) திருவள்ளூர் மாவட்டம், பொன்னேரி வட்டம், பாடியநல்லூரில், தமிழ்நாடு அரசின் "உங்க கனவ சொல்லுங்க திட்டத்தை தொடங்கி வைத்து, ஆற்றிய உரை :-

தமிழ்நாட்டின் வரலாற்றில், இன்றைக்கு மிக மிக முக்கியமான நாள்! வரலாற்றுச் சிறப்புமிக்க நாள்!

உங்களால் தேர்ந்தெடுக்கப்பட்டிருக்கக்கூடிய உங்களுடைய அரசு, மக்களான உங்களிடம், உங்களுடைய கனவுகளை கேட்டு, அதையெல்லாம் நிறைவேற்ற தொடங்கப்பட்ட நாளாக இந்த நாள் அமைந்திருக்கிறது! நான் எதற்காக இங்கு வந்திருக்கிறேன் என்றால், "உங்க கனவு சொல்லுங்க" அதை நிறைவேற்றி தருகிறோம் என்று கேட்பதற்காக நான் இங்கு வந்திருக்கிறேன்.

2021 சட்டமன்றத் தேர்தலுக்கு முன்பு, திருச்சியில் நடந்த மாபெரும் மாநாட்டில், நான் உரையாற்றுகின்றபோது ஏழு வாக்குறுதிகளை சொன்னேன். அந்த ஏழு வாக்குறுதிகள் என்னவென்றால்,

முதல் வாக்குறுதி - வளரும் வாய்ப்புகள், வளமான தமிழ்நாடு!

இரண்டாவது வாக்குறுதி - மகசூல் பெருக்கம், மகிழும் விவசாயி!

மூன்றாவது வாக்குறுதி - குடிமக்கள் அனைவருக்கும் குறையாத தண்ணீர்!