கோவை - திருப்பூர் மாவட்டங்களில் 2 நாட்கள் முதலமைச்சர் மு.க.ஸ்டாலின் சுற்றுப்பயணம்

முதலமைச்சர் மு.க. ஸ்டாலின் திருப்பூர் மற்றும் கோவை மாவட்டங்களில் 2 நாட்கள் கள ஆய்வுப்பணிமேற்கொள்கிறார். பல்வேறு நிகழ்ச்சிகளில் பங்கேற்கிறார்.

- 

இதற்காக நேற்று மாலை 5.25 மணிக்கு சென்னையில் இருந்து விமானம் மூலம் கோவை விமான நிலையம் வந்த அவர், அங்கிருந்து கார் மூலம் திருப்பூர் மாவட்டம் உடுமலை சென்றார்.

2026 சட்டமன்ற தேர்தல் வியூகம் தொடர்பாக திருப்பூர் மாவட்டத்தில் செய்யப்பட்டுள்ள பணிகள் குறித்து கட்சி நிர்வாகிகளுடன் ஆலோசனை நடத்தி உள்ளார். ஓரணியில் தமிழ்நாடு உறுப்பினர்கள் சேர்க்கை, உங்களுடன் ஸ்டாலின் திட்டப்பணிகள் குறித்து கட்சியினருடன் ஆலோசனை நடத்தினார். இரவு உடுமலை அரசு விருந்தினர் மாளிகையில் தங்கினார்.