வருவாய்-பேரிடர் மேலாண்மை துறை கூடுதல் செயலாளர் பி.அமுதா பேட்டி

நேற்று (14.07.2025) வருவாய் மற்றும் பேரிடர் மேலாண்மைத் துறைகூடுதல் தலைமைச்செயலாளர் மற்றும் ஊடகச் செயலாளர் பி. அமுதா. சென்னை, தலைமைச் செயலகம், பிரதான கட்டடம், இரண்டாம் தளத்தில் உள்ள கூட்ட அரங்கில் பத்திரிக்கையாளர்களை சந்தித்து அளித்த பேட்டி வருமாறு :-

- 

நம்முடைய முதலமைச்சர் அவர்கள் இன்று ஒரு அறிவிப்பு வெளியிட்டிருக்கிறார்கள். நான்கு மூத்த ஐ.ஏ.எஸ் அதிகாரிகளை அரசாங்கத்தின் தகவல் தொடர்பு அலுவலர்களாக நியமித்துள்ளார்கள். அதன் முக்கிய நோக்கம் என்னவென்றால், முதலமைச்சர் அவர்கள் விரும்புவது என்னவென்றால், அரசாங்கத்தின் செயல்பாடுகள், திட்டங்கள், தகவல்கள் உரிய நேரத்தில் மக்களை சென்றடைய வேண்டும். அதற்கு ஊடகவியலாளர்களுக்கு நாம் சரியான முறையில் தகவல்களை எடுத்துரைக்க வேண்டும். Communication clear-ஆக இருக்க வேண்டும்; விரைவாக இருக்க வேண்டும். துள்ளியமாக இருக்கவேண்டும் என்பதற்காக தான் இந்த ஏற்பாட்டை மாண்புமிகு முதலமைச்சர் அவர்கள் செய்திருக்கிறார்கள். நான்கு அதிகாரிகள் இன்று நியமிக்கப்பட்டிருக்கிறார்கள். அதில் நான் முதலாவது அதிகாரியாக நியமிக்கப்பட்டுள்ளேன். எனக்கு சில துறைகள் வழங்கப்பட்டிருக்கிறது. குறிப்பாக சொல்ல வேண்டும் என்றால், உங்களுக்கு ஏற்கனவே தெரியும் - நம்முடைய துறை முகவரி துறை -இது 2021-ஆம் ஆண்டு குறிப்பாக முதலமைச்சர் என்ன சொல்கிறார் என்றால், முதலமைச்சர் அவர்கள் பயணம் செய்யும்போது நிறைய நபர்கள் மனுக்கள் கொடுப்பார்கள். அந்த மனுக்களை எல்லாம் மாண்புமிகு முதலமைச்சர் அவர்கள் பெற்றுக்கொண்டு நம்முடைய CM Cell மூலமாக மற்ற துறைகளுக்கெல்லாம் கொடுத்து தீர்வு கண்டிருந்தோம்.