‘நான் இளையராஜா வீட்டு மருமகள் ஆகி இருக்கவேண்டியது’

நடிகை வனிதா விஜயகுமார் முதன் முதலாக இயக்கியுள்ள படம் 'மிஸஸ் அண்ட் மிஸ்டர்' படத்தின் நாயகியாக அவரே நடித்தும் இருக்க, நாயகனாக டான்ஸ் மாஸ்டர் ராபர்ட் நடித்து இருக்கிறார். மற்றும் ஷகிலா, ஆர்த்தி, கணேஷ், பவர்ஸ்டார் சீனிவாசன், ஸ்ரீமன், பாத்திமா பாபு, கும்தாஜ், சர்மிளா, வாசுகி ஆகியோரும் நடிக்க வனிதாவின் மகள் ஜோவிதா தயாரித்து இருக்கிறார்.

- 

திருமணம் ஆகி 40 வயதாகியும் இன்னும் குழந்தை இல்லாமல் தவிக்கும் ஒரு மனைவியின் குழந்தை ஆசை பற்றிய கதை இது. பாங்காங் பின்னணியில் படத்தை கலர் புல்லாக எடுத்து இருக்கிறார்கள். குழந்தை வேண்டாம் என அடம் பிடிக்கும் கணவனை கவர்ச்சியால் சுண்டி இழுக்கும் கவர்ச்சி காட்சிகளும், முத்தக்காட்சிகளும், பாடல் காட்சிகளும் இருப்பது படத்துக்கு பிளஸ் பாயிண்ட்.

பாடல் காட்சி ஒன்றில் 'ராத்திரி சிவராத்திரி..' என்ற பாடலை பயன் படுத்தி இருப்பதற்கு வனிதா மீது இளையராஜா வழக்கு போட்டு இருக்கிறார்.