எழும்பூரில் நகை வியாபாரியை கடத்தி பணம், தங்க நகைகளை பறித்த வழக்கில் 6 பேர் கைது

கைதுசெய்யப்பட்டவர்களிடமிருந்து 203 கிராம் தங்க நகைகள், ரூ. 6.50 லட்சம் பணம் மீட்கப்பட்டுள்ளது.

- 

சிவகங்கை மாவட்டம், காரைக்குடி, சோமுதெருவில் வசித்து வருபவர் ரவிச்சந்திரன் (64 வயது). நகை வியாபாரம் செய்து வருகிறார். இவர் கடந்த மாதம் 26-ந்தேதி சென்னையில் நகைகளை கொள்முதல் செய்துவிட்டு இரவு சுமார் 7.40 மணியளவில் எழும்பூர், பாந்தியன் ரோடு, இருதய ஆண்டவர் சர்ச் அருகே சுமார் 131 கிராம் தங்க நகைகள், 1.250 கிலோ வெள்ளிப்பொருட்கள் மற்றும் 31,39,045 ரூபாய் பணம் அடங்கிய பையுடன் பேருந்துக்காக காத்திருந்தார்.