DOMINO EFFECT, PROBLEMA NG MGA TSUPER, PROBLEMA RIN NG PUBLIKO

MALUNGKOT kung iisipin na sa bawat pagtaas ng presyo ng langis, tila sabay-sabay ding bumibigat ang pasanin ng parehong tsuper at komyuter

- 

Habang patuloy na sumisirit ang halaga ng petrolyo sa pandaigdigang merkado, ang mga nasa kalsada araw-araw ang mga tsuper ng public utility vehicles ang unang nakararamdam ng direktang epekto nito. Pati ang mga ordinaryong mamamayan na umaasa sa pampublikong transportasyon ay nadadamay sa patuloy na pagtaas ng gastusin sa pamasahe.

Dahil sa lumalaking pagkalugi, napipilitan ang isang transport group na humiling ng humigitkumulang P2 provisional fare increase para sa mga public utility vehicles (PUVs).

Ayon sa transport group, umaabot na sa P400 hanggang P500 ang nawawala sa arawang kita ng mga tsuper dahil sa patuloy na pagtaas ng presyo ng langis.

Sa mga nakalipas na linggo, umabot sa P25 hanggang P30 kada litro ang itinaas sa presyo ng petrolyo.