KAYAMANANG NAHANAP SA LUPA NG IBA, KANINO MAPUPUNTA?

Dear Chief Acosta, Sinabihan ako ng aking anak na si Sarah na may nakita diumano siyang lumang baul na nakabaon sa lupa ng aming bagong kapitbahay kung saan sila madalas maglaro. Pinuntahan ko ang nasabing baul, hinukay ko ito, at inuwi sa bahay namin. Nang binuksan ko ito, nakita ko na naglalaman ito ng mga alahas. Ikinuwento ni Sarah ang nangyari sa kanyang kalaro na si Alga, na agad namang nagsumbong sa kanyang nanay na si Joselle, patungkol sa aming nahanap sa kanilang bakuran. Ngayon ay inaangkin ni Joselle ang aming nahanap na baul at mga laman nito sapagkat diumano ito ay nakita sa kanyang bakuran. Maaari bang angkinin ni Joselle ang baul na naglalaman ng alahas na aming nahanap? - Rosmarie

- NI DR. PERSIDA V. RUEDA-ACOSTA Chief Public Attorney

Dear Rosmarie,

Ang treasure o kayamanan ay tumutukoy sa anumang nakatago at hindi malamang deposito ng pera, alahas, o iba pang mahahalagang bagay, na ang legal na pagmamay-ari ay hindi tukoy o alam. Ang depinisyong ito ay matatagpuan sa Artikulo 439 ng ating Bagong Kodigo Sibil na nagsasaad na:

"Art. 439. By treasure is understood, for legal purposes, any hidden and unknown deposit of money, jewelry, or other precious objects, the lawful ownership of which does not appear."

Kung sakaling ang nakatagong kayamanan ay nagkataong natuklasan sa pag-aari ng iba, ang Artikulo 438 ng nasabing Kodigo ang mamamahala:

"Art. 438. Hidden treasure belongs to the owner of the land, building, or other property on which it is found.