Roro-cargo vessel nalunod, 18 patay

Miabot na og 18 ang nakuhang patay, samtang padayon ang pagpangita sa nahibiling 24 ka mga tawo human sa nahitabong pagkalunod sa roro cargo vessel nga MV Trisha Kerstin 3 nga naglawig gikan sa Zamboanga City padulong sa Jolo, Sulu kagahapon, sumala pa sa Philippine Coast Guard.

- 

Ang MV Trisha Kerstin 3 gikatahong nipadala og distress signal mga 1:50 am kagahapon sa kadlawon, usa ka oras kapin human kini nakabiya sa pantalan sa Zamboanga City.

Sumala pa sa pasiunang report gikan sa Coast Guard District Southwestern Mindanao ang maong barko nagdala og 332 ka pasahero ug 27 ka tripulante. Ang 317 niini naluwas na ug ang uban gidala sa tambalanan.

Matud pa sa report sa Philstar.com, si Coast Guard Commander Romel Duwa nagkanayon nga dili overloaded ang maong barko.