Pag-hire sa Naga og JO kulang sa supporting documents-COA

Kuwang sa supporting documents ang pag-hire sa lokal nga kagamhanan sa Dakbayan sa Naga og mga Job Order (JO) personnel alang sa Dagitab Festival contingent niini nga nisalmot sa 2024 Pasigarbo sa Sugbo.

- 

Kini maoy usa sa mga nahimong obserbasyon sa Commission on Audit (COA) sa Dakbayan sa Naga sa tuig 2024.

Base sa audit observation sa COA nga ang siyudad nikuha og 35 ka JO nga gilangkuban sa panday, welder, props artists, makeup artists, festival queen crew, ug production staff alang sa pag-apil sa siyudad sa Pasigarbo sa Sugbo pinaagi sa Dagitab Festival niini niadtong Agosto 25, 2024

Ang rate sa sweldo sa mga JO nagsugod sa P500 ngadto sa P1, 500 matag adlaw sulod sa usa hangtud sa 50 ka adlaw depende sa trabaho.

Gikataho nga nikabat ngadto sa a P752, 500 ang kinatibuk-ang kantidad sa pundo alang sa sweldo sa mga JO nga gigahin sa siyudad diin gikuha kini gikan sa Tourism, Culture, and Heritage Development Plan alang sa calendary year (CY) 2024.