Idlas ang katumanan sa gugma

Wala siya motingog dili niya ikapasabot ngadto kang Mike ang matuod nga hinungdan kun nganong mauwaw siyang makigatubang kang Rev. Lab-as pa gihapon hangtod karon sa iyang panumdoman kadtong higayon nga gihagkan siya ni Rev. "Pakigkitai siya Lon," nagkanayon si Mike.

- 

"Importante baya kaayo nga aduna kita'y bonding ngadto sa atong mga kauban sa buhat. Ilabi na gayod ngadto kang Rev nga maoy atong editor." Nakombinser gyud si Lonia sa pag-agni ni Mike kaniya. Pagka-ugma gipakigkitaan niya si Rev. Nag-ukon-ukon siyang misulod sa opisina niini.