Hain nang BYD Tang?

Segun sa official receipt ug certificate of registration sa Land Transportation Office (LTO) nga gipublikar ni Cebu City Vice Mayor Tommy Osmeña sa iyang Facebook page, na-rehistro ang P4.4 milyones nga BYD Tang sa ngalan sa Cebu City Government niadtong Abril 4, 2025, usa ka buwan human na-deliver sa Hyundai Cebu Inc. ngadto sa City Hall, nadawat ni Architect Florante Catalan sa Office of the Building Official (OBO) ug na-inspeksiyon sa upisina ni kanhi Mayor Raymond Garcia.

- Leo Lastimosa

Sa ato pa, kay gobyerno na may tag-iya, nabayran man o wala sa City Hall, mabalik lang ang BYD Tang ngadto sa dealer pinasubay sa mga lagda sa disposal sa mga sakyanan sa gobyerno.

***

Opisyal sa Commission on Audit (COA) nga tigtan-aw sa among programang "Baruganan" sa YouTube niingon nga kuti ang mga lakang nga gitakda sa COA ug Department of Budget and Management:

• Una, pormal nga declaration of unserviceability nga nimatuod nga dili na magamit o wala na kinahanglana sa City Hall ang electric SUV;