SHAABAA SEASON 28 Batch 2004 4-0 na, Cabahug nagmangtas

Ang '04 For the Win Batch 2004 nagpabiling way pilde samtang si Mikey Cabahug mikuha og atensiyon sa kadaogan sa Subtero Batch 2006 sa Division B sae Sacred Heart Ateneo Alumni Basketball Athletic Association (SHAABAA) Season 28 didto sa Sacred Heart School-Ateneo de Cebu (SHS-AdC) Magis Eagles Arena sa Barangay Canduman, dakbayan sa Mandaue.

- 

Si Ricardo Pepito mipupo og 15 puntos, duha ka rebounds, upat ka assists ug upat ka steals samtang si Jedd Ryan Go midugang og 14 puntos sa dihang ang Batch 2004 miinat sa mainit nilang ratsada ngadto sa upat ka duwa uban ang 87-50 nga paglampornas sa 2kcares.org.

Si Christopher Consunji mihipos og 11 puntos samtang si Kyle Valmoria miposte og double-double nga 10 puntos ug 10 ka assists uban ang unom ka rebounds alang sa Batch 2004.