పౌరసత్వానికి ఆధారం ఏది.

• భారతీయుడిని అని ప్రూవ్ చేసుకోవడం ఎలా? • సిటీజన్ షిప్ అనేది లేకపోవడం దురదృష్టం • ఇప్పుడున్న ధ్రువపత్రాలు రుజువులు కావా?

- 

ఈ దేశంలో పుట్టి, ఇక్కడే పెరిగి, పన్నులు చెల్లిస్తూ, ఓటు వేస్తున్నప్పటికీ...“మీరు భారతీయ పౌరుని చట్టబద్ధమైన పత్రం ఏది?" అని అడిగితే సమాధానం ఏమిటి?

• అసలు భారతదేశంలో ఏమి జరుగుతోంది?

• నిజంగా మన పౌరసత్వానికి గ్యారెంటీ ఎక్కడుంది?

• పౌరసత్వ ధృవీకరణ పత్రం ఇచ్చే రోజు వస్తుందా?

• శాశ్వత పరిష్కారం లేకపోతే భవిష్యత్ అంధకారమే

• పాలకులు, మేధావులు ఆలోచించాల్సిన తరుణమిది

హైదరాబాద్, జూన్ 26 (ఆదాబ్ హైదరాబాద్): "భారతదేశం నా మాతృభూమి... భారతీయులందరూ నా సహోదరులు..." పాఠశాల రోజుల్లో ప్రతిరోజూ ఉదయాన్నే చేతులు చాచి మనం చేసిన ఈ ప్రతిజ్ఞ కేవలం మాటలకే పరిమితమా? చట్టాల పుస్తకాల్లోకి వచ్చేసరికి ఈ 'భారతీయత'కు ఉన్న విలువేంటి? ఇక్కడ పుట్టి, ఇక్కడే పెరిగి, ఇక్కడి మట్టిలోనే కలిసిపోయే సగటు పౌరుడికి హఠాత్తుగా ఒకరోజు “నువ్వు భారతీయుడివేనని నిరూపించే పక్కా ఆధారం ఏది?" అనే ప్రశ్న ఎదురైతే... సమాధానం చెప్పలేక బిత్తరపోవాల్సిన పరిస్థితి ఈరోజు దేశంలో నెలకొంది. సోషల్ మీడియాలో ఇటీవల జరుగుతున్న చర్చలు, విశ్లేషణలు దేశవ్యాప్తంగా ఒక పెద్ద మేధోమథనానికి, ఆందోళనకు అసలు భారతదేశంలో ఏం జరుగుతోంది? మన పౌరసత్వానికి గ్యారెంటీ ఏది? ఆదాబ్ హైదరాబాద్ అందిస్తున్న విశ్లేషణాత్మక కథనం..

భారతీయులమైన మన దగ్గరున్న పత్రాలు పౌరసత్వానికి రుజువులు కావా? సాధారణంగా ఒక భారతీయ పౌరుడి వద్ద ఏముంటాయి? పుట్టినప్పుడు వచ్చే బర్త్ సర్టిఫికెట్.. ప్రభుత్వం ఇచ్చే ఆధార్ కార్డ్.. బ్యాంకింగ్ కోసం పాన్ కార్డ్.. ఓటు వేయడానికి ఓటర్ ఐడీ.. విదేశాలకు వెళ్లడానికి పాస్పోర్ట్.. కానీ, చట్టపరమైన ఒక విస్తుపోయే నిజం ఏమిటంటే... పైన పేర్కొన్న ఏ ఒక్క పత్రం కూడా మీరు "భారతీయ పౌరుడు" అనడానికి నూటికి నూరు శాతం చట్టబద్ధమైన నిరూపణ కాదు! అవును, ఇది నమ్మడానికి ఆశ్చర్యంగా ఉన్నా అక్షరాలా నిజం.

ఆధార్ కార్డు :