కేసులు, బెదిరింపులకు బీఆర్ఎస్ లొంగదు

• కేసీఆర్ అడిగిన ప్రశ్నలకు సమాధానం చెప్పలేక కేసుల డ్రామాలు • రేవంత్ శిఖండి రాజకీయాలు చేయడం తగదు

- 

• పాలమూరు-రంగారెడ్డి ప్రాజెక్టును అడ్డుకుంటున్న కాంగ్రెస్ ప్రభుత్వం

• తెలంగాణ రైతాంగం కోసం పోరాటం ఆగదు

• నదీ జలాలపై ముఖ్యమంత్రి రేవంత్రెడ్డికి అవగాహన శూన్యం..

• సాగునీటి మంత్రులది అంతులేని అజ్ఞానం

• కాంగ్రెస్ ప్రభుత్వానికి '420' హామీల భయం.. అందుకే ఎన్నికల నిర్వహణ నుండి పరార్

• దమ్ముంటే సహకార సంఘాలకు ఎన్నికలు నిర్వహించాలి

• కాంగ్రెస్ ప్రభుత్వానికి కేటీఆర్ బహిరంగ సవాల్

• ప్రజాక్షేత్రంలో ప్రభుత్వాన్ని నిలదీయాలని కార్యకర్తలకు పిలుపు

నల్లగొండ, డిసెంబర్ 23 (ఆదాబ్ హైదరాబాద్): కాంగ్రెస్ ప్రభుత్వం రైతుల పట్ల చిత్తశుద్ధితో ఉంటే వెంటనే సహకార సంఘాల ఎన్నికలు నిర్వహించాలని బీఆర్ఎస్ కార్యనిర్వాహక అధ్యక్షుడు కేటీఆర్ డిమాండ్ చేశారు.

ఓటమి భయంతో ప్రభుత్వం వెనకడుగు వేస్తోందని ఆయన విమర్శించారు. నల్లగొండ జిల్లా బీఆర్ఎస్ పార్టీ కార్యాలయంలో నూతనంగా ఎన్నికైన సర్పంచులు, ఉప సర్పంచులు మరియు వార్డ్ మెంబర్ల అభినందన సభ ఘనంగా జరిగింది. ఈ కార్యక్రమానికి బీఆర్ఎస్ పార్టీ వర్కింగ్ ప్రెసిడెంట్, మాజీ మంత్రి కేటీఆర్ ముఖ్య అతిథిగా హాజరై, ప్రజాప్రతినిధులను అభినందించి సన్మానించారు. అనంతరం కేటీఆర్ ముఖ్యమంత్రిని లక్ష్యంగా చేసుకుంటూ, ఆయన కేవలం కాలక్షేపం రాజకీయాలు చేస్తున్నారని మండిపడ్డారు. ముఖ్యమంత్రికి దమ్ముంటే, వెనుక నుండి లీకులు ఇవ్వడం మానేసి, నేరుగా కెమెరా ముందుకు వచ్చి ఏ కేసు పెడుతున్నారో చెప్పాలని సవాల్ విసిరారు. హెూం మంత్రి కూడా ఆయనే కాబట్టి, ధైర్యంగా ముందుకు వచ్చి మాట్లాడాలని, శిఖండి రాజకీయాలు చేయడం తగదని విమర్శించారు. ప్రజా ప్రయోజనాల కంటే కేవలం కేసుల చుట్టూనే ప్రభుత్వాన్ని తిప్పుతున్నారని, కేసీఆర్ సాగునీటి ప్రాజెక్టులపై అడిగిన ప్రశ్నలకు సమాధానం చెప్పలేక ప్రజల దృష్టి మళ్లించడానికి నోటీసుల డ్రామా ఆడుతున్నారని ఆరోపించారు. ఆరు గ్యారంటీలు, రైతు బంధు వంటి హామీల అమలుపై ప్రజలు నిలదీస్తారనే భయంతోనే ముఖ్యమంత్రి ఇదంతా చేస్తున్నారని పేర్కొన్నారు.

- కృష్ణా జలాలు - ముఖ్యమంత్రి, కాంగ్రెస్ మంత్రుల అజ్ఞానంపై కేటీఆర్ గర్జన