దేశ ప్రజలకు ప్రధాని 'డబుల్ బోనస్'

ఆదివారం ఢిల్లీలో కీలక ప్రకటన చేసిన మోడీ ఈ దీపావళికి ప్రజలకు డబుల్ బోనస్ అందిస్తామని హామీ

- 

జీఎస్టీలో తర్వాతి తరం సంస్కరణలకు కేంద్రం కసరత్తు

పన్నుల హేతుబద్ధీకరణ ద్వారా ఆర్థిక వృద్ధికి ఊతం

సామాన్యులకు మేలు చేసేందుకు వస్తు, సేవల ధరలు తగ్గింపు

నాలుగు శ్లాబుల స్థానం నుంచి రెండు శ్లాబుల విధానంకు మార్పు

నిత్యావసరాలపై 5 శాతం, ఇతర వస్తువులపై 18 శాతం పన్ను ప్రతిపాదన

వచ్చే నెలలో జీఎస్టీ కౌన్సిల్ సమావేశంలో ఆమోదం పొందే అవకాశం

సుపరిపాలన విస్తరణే నిజమైన సంస్కరణ : ప్రధాని నరేంద్ర మోడీ

న్యూఢిల్లీ 17,ఆగస్టు(ఆదాబ్ హైదరాబాద్): పేద, మధ్యతరగతి వర్గాలకు ఉపశమనం కలిగించేందుకు జీఎస్టీపై కొత్త తరం సంస్కరణలు తీసుకురానున్నామని ప్రధాని మోడీ తెలిపారు.“సుపరిపాలన విస్తరణే నిజమైన సంస్కరణ. ప్రజల జీవన విధానం, వ్యాపార వాతావరణం మరింత సులభతరం కావడం మా లక్ష్యం" అని మోడీ అన్నారు. ఢిల్లీలో రెండు ప్రధాన రహదారి ప్రాజెక్టులను ప్రారంభిస్తూ ఆదివారం ఆయన ఈ కీలక ప్రకటన చేశారు.