మృత్యు తాండవం

అగ్ని ప్రమాదంలో 17మంది మృత్యువాత చార్మినార్ లోని గుల్జార్ హౌస్ లో ఘటన

- 

ఘటన స్థలంలోనే 3గురు - అసుపత్రిలో 14మంది మృతి

మృతులో 9మంది పెద్దలు, 8మంది చిన్నారులు

అగ్ని ప్రమాద మృతుల కుటుంబాలకు రూ.5లక్షల ఎక్స్ గ్రేషియా

సరైన సమయంలో అంబులెన్సులు రాలేదంటూ బంధువుల అగ్రహం

అంబులెన్సుల్లో కనీసం అక్సిజన్ మాస్కులు లేవంటూ మండిపాటు

ప్రమాదంపై ప్రధాని నరేంద్ర మోడీ, ఆంధ్రప్రదేశ్ సీఎం చంద్రబాబు నాయుడు, కేంద్ర మంత్రులు కిషన్ రెడ్డి, బండి సంజయ్, తెలంగాణ రాష్ట్ర మంత్రులు, బీఆర్ఎస్ ముఖ్య నాయకులు దిగ్భ్రాంతి వ్యక్తం చేశారు.

కేంద్ర ప్రభుత్వం క్షతగాత్రులకు మృతులకు రూ.2 లక్షలు, క్షతగాత్రులకు రూ.50 వేలు చొప్పున నష్టపరిహారం ప్రకటించారు.

హైదరాబాద్ 18, మే ( ఆదాబ్ హైదరాబాద్): చుట్టం చూపుగా వచ్చారు.. నగరం చూసి వెళ్లామని అనుకున్నారు... మరో రెండు రోజుల్లో స్వంత గ్రామాలకు వెళ్లాల్సిన వారు...అపుడపుడే తెల్లారుతుంది... ఇంకా నిద్రమత్తులో వున్న వారికి మృత్యుదేవత కబళించింది... కాని అదే వారికి శాశ్విత నిద్ర అవుతుందని ఉహించలేకపోయ్యారు... ఏకంగా 17 మంది ప్రాణాలు కోల్పోయిన హృదాయవిషాధకర ఘనట నగరంలోని పాతబస్తీలో చోటుచేసుకుంది. నగరంలోని పాతబస్తీలో అదివారం ఉదయం భారీ ఆగ్ని ప్రమాదం చోటుచేసుకుంది. ఈ ప్రమాదంలో ఇప్పటికే 17 మంది మృత్యువాత పడగా మరికొందరూ ప్రాణాపాయ స్థితిలో ఉన్నారు. మృతి చెందిన వారిలో పెద్దలతో పాటు ఎక్కువగా చిన్నారులు ఉండడం శోచనీయం. నగరంలో ఉదయం 6గంటల ప్రాంతంలో జరిగిన ఈ ప్రమాదంలో భవనం లోపల ఉన్న వారు భయటకు రాలేని పరిస్థితి ఏర్పడడంతో మృతుల సంఖ్య భారీగా ఉన్నట్లు తెలుస్తుంది. నగరంలో పాతబస్తీ ప్రాంతంలో ఉన్న గుల్జార్ హౌస్ లో ఈ భయానక ఘటన చోటుచేసుకుంది. చార్మినార్లోని గుల్జార్ హౌస్ లో ఉన్న జీ2 భవనంలోని కృష్ణ పెరల్స్, మోదీ పెరల్స్ షాపుల్లో ఒక్కసారిగా మంటలు వ్యాపించాయి.