బాలికలదే పై చెయ్యి

తెలంగాణ ఇంటర్ ఫలితాలు విడుదల

- 

• మొదటి సంవత్సరంలో 66.89 శాతం

• ద్వితీయ సంవత్సరంలో 71.37శాతం ఉత్తీర్ణత

• ఫస్ట్ ఇయర్ ఫలితాల్లో మేడ్చల్ టాప్.. చివరి స్థానంలో మహబూబాబాద్

• సెకండ్ ఇయర్లో ములుగు టాప్.. చివరి స్థానంలో కామారెడ్డి జిల్లా

• ఫలితాలను విడుదల చేసిన డిప్యూటీ సీఎం భట్టి

• పాల్గొన్న మంత్రులు పొన్నం ప్రభాకర్, కోమటిరెడ్డి వెంకట్రెడ్డి

• ఫెయిల్ అయిన విద్యార్థులు అధైర్యపడొద్దన్న డిప్యూటీ సీఎం

హైదరాబాద్ 22, ఏప్రిల్ (ఆదాబ్ హైదరాబాద్): తెలంగాణ రాష్ట్రంలో ఇంటర్ ఫలితాలను రాష్ట్ర ఉపముఖ్యమంత్రి భట్టి విక్రమార్క విడుదల చేశారు. మంగళవారం నాడు ఇంటర్ బోర్డు కార్యాలయంలో మంత్రులు పొన్నం ప్రభాకర్, కోమటిరెడ్డి వెంకట్ రెడ్డి, ఇంటర్ బోర్డు అధికారులతో కలిసి ఉపముఖ్యమంత్రి భట్టి ఫలితాలను విడుదల చేశారు. ఇంటర్ మొదటి సంవత్సరంలో 66.89శాతం మంది విద్యార్థులు ఉత్తీర్ణత సాధించగా రెండో సంవత్సరంలో 71.37 శాతం మంది ఉత్తీర్ణత సాధించారని వివరించారు. అలాగే ఇంటర్ మొదటి సంవత్సరంలో 4,88,4430 లక్షల మంది పరీక్షలు రాయగా ఇందులో 73.83 శాతం బాలికలు, 57.83శాతం బాలురు ఉత్తీర్ణత సాధించారు. ఇంటర్ ద్వితీయ సంవత్సరంలో 5,08,582 మంది పరీక్షలు రాయగా ఇందులో 74.21 శాతం బాలికలు, 57.31 శాతం బాలురు ఉత్తీర్ణత సాధించారని తెలిపారు. ఇంటర్ ఫలితాల్లో గతేడాది కంటే పాస్ పర్సంటేజ్ పెరిగిందని భట్టి చెప్పారు.