మేము మాటలు చెప్పం..చేతల్లో చూపిస్తాం..!

ప్రతిపక్షాలు అభివృద్ధిని అడ్డుకోవడం మంచిది కాదు : సీఎం రేవంత్రెడ్డి

- 

• బెట్టింగ్ యాప్స్పై ఉక్కుపాదం మోపితీరుతాం ..!

• బెట్టింగ్ యాప్స్పై సిట్ ఏర్పాటు..సంచలనం నిర్ణయం తీసుకున్న సీఎం

•ప్రమోట్ చేసిన వారు ఎవరైనా, ఎంతటివారైనా వదిలేదిలేదు

• సెలబ్రిటీలు, యూట్యూబర్లు, ఇన్ ఫ్లుయన్సర్లను కూడా విచారిస్తాం..

•ప్రతిపక్ష నాయకుడిగా జానారెడ్డి లాంటి వారిని ఆదర్శంగా తీసుకోండి..

•పగటికలలు మానుకోండి.. రాష్ట్రంలో ఇప్పటికిప్పుడు ఏ ఎన్నికలు రావు..

• మంచి సూచనలివ్వండి .. తెలంగాణ అభివృద్ధిలో భాగస్వామ్యులవ్వండి

• ఆసెంబ్లీలో సీఎం రేవంత్ రెడ్డి వ్యాఖ్యలు

హైదరాబాద్ మార్చి 26 (ఆదాబ్ హైదరాబాద్) : తెలంగాణ రాష్ట్రవ్యాప్తంగా తీవ్ర దుమారం రేపిన బెట్టింగ్ యాప్స్ వ్యవహారాన్ని రాష్ట్ర ప్రభుత్వం చాలా సీరియస్ గా తీసుకుంది .. ఇప్పటికే ఈ వ్యవహారంపై పోలీసులు విచారణ మొదలుపెట్టగా.. బాద్యులైన పలువురు ప్రముఖులకు పోలీసులు ముందస్తు నోటీసులు కూడా ఇచ్చారు. అందులో ఒకరిద్దరు విచారణలో పాల్గొని జరిగిన వ్యవహారాన్ని, ఆర్థిక లావాదేవీలను పూసగుచ్చినట్లు చెప్పగా..మరికొందరు రేపో, మాపో విచారణకు హాజరయ్యి అసలు విషయాలు వెల్లడించే అవకాశం ఉంది. ప్రభుత్వం ఈ వ్యవహారంపై మరింత దూకుడుగా వ్యవహరించాలని భావిస్తోంది.. ఈ మేరకు సీఎం రేవంత్ రెడ్డి బెట్టింగ్ యాప్స్ అంశంపై అసెంబ్లీలో కీలక ప్రకటన చేశారు. దీన్ని నిరోధించడానికి, నిషేధించడానికి అవసరమైన చర్యలు తీసుకోవడానికి ఒక స్పెషల్ ఇన్వెస్టిగేషన్ టీమ్ వీలైతే సీబీసీఐడీ కానీ లేకపోతే అధికారులతో సమీక్ష చేశాక ఒక సిట్ ను ఏర్పాటు చేసి కఠినంగా వ్యవహరించాలని రాష్ట్ర ప్రభుత్వం నిర్ణయం తీసుకుంది" అని సీఎం రేవంత్ రెడ్డి అన్నారు. బెట్టింగ్ యాప్స్ ప్రమోట్ చేసిన వారు ఎవరైనా.. ఎంతటి వారైనా.. వదిలేదిలేదని సీఎం స్పష్టం చేశారు.. సీఎం రేవంత్ ప్రకటన రాష్ట్ర వ్యాప్తంగా చర్చనీయాంశమయ్యింది... సీఎం ప్రకటన తో టాలీవుడ్ సెలబ్రిటీలు, టీవీ నటులు, యూట్యూబర్లు, ఇన్ ఫ్లుయన్సర్లు ఉలిక్కిపడుతున్నారు.. సిట్ ఏర్పాటు తరువాత పరిణామాలు ఎలా ఉండబోతాయన్నదానిపై సర్వత్ర ఆసక్తి నెలకొంది..

బెట్టింగ్ యాప్స్పై ఉక్కుపాదం మోపితీరుతాం ..!