పాటగాడు ఇకలేడు

• నింగికెగిసిన తెలంగాణ ఉద్యమ కెరటం • ఉద్యమ బిడ్డ సాయిచంద్ హఠాన్మరణం  • అర్థరాత్రి గుండెనొప్పితో ఆస్పత్రికి తరలింపు

- 

• నింగికెగిసిన తెలంగాణ ఉద్యమ కెరటం

• ఉద్యమ బిడ్డ సాయిచంద్ హఠాన్మరణం 

• అర్థరాత్రి గుండెనొప్పితో ఆస్పత్రికి తరలింపు

• ఆస్పత్రిలో చికిత్స పొందుతూ కన్నుమూత 

• దిగ్భ్రాంతి వ్యక్తం చేసిన సీఎం కేసీఆర్, కేటీఆర్, మంత్రులు

• గుర్రంగూడలో ఇంటికి వెళ్లి నివాళి అర్పించిన కేసీఆర్

• అశ్రునయనాల మధ్య సాయిచంద్ అంత్యక్రియలు

• భారీగా తరలివచ్చి నివాళి అర్పించిన బీఆర్ఎస్ శ్రేణులు

సాయిచంద్కు చిన్నప్పటి నుంచి పాటలంటే ప్రాణం..అందులోనూ జానపదమంటే మరింత మక్కువ. అందుకే అందులో శిక్షణ తీసుకున్నాడు.విద్యార్థి దశ నుంచి పాటలు పాడుతూ తన ప్రతిభను చాటుకున్నాడు.యుక్తవయస్సు వచ్చే సరికి..తెలంగాణ ఉద్యమం వటంతో.. తన ప్రతిభ ఉద్యమానికి ఉపయోగపడాలని తపించాడు. అందుకు..ఉద్యమ సమయంలో ఏ సభ జరిగినా రెక్కలు కట్టుకుని వాలిపోయేవాడు. తన పాటలతో తెలంగాణ గుండెల్లో ఉద్యమ స్ఫూర్తి నింపేవాడు.తెలంగాణ జానపదాలలో ఉన్న మాధుర్యాన్ని పంచేవాడు.తల్లిదండ్రుల కడుపుకోతను వర్ణిస్తూ.. కన్నీళ్లు పెట్టించేవాడు.