ఆలోచించండి - ఆపండి

జీవితం అనేది ఒక యాత్ర. ఆ యాత్రలో కష్టాలు సహజం, సమస్యలు తప్పనిసరి, కానీ వాటిని ఎదుర్కొనే ధైర్యం మనిషి అసలైన శక్తి. ఒక క్షణం నిరాశలో తీసుకునే ఆఖరి నిర్ణయం

- డా హిప్నో పద్మ కమలాకర్

సెప్టెంబర్ 10 - ప్రపంచ ఆత్మహత్య నివారణ దినోత్సవం

జీవితం అనేది ఒక యాత్ర. ఆ యాత్రలో కష్టాలు సహజం, సమస్యలు తప్పనిసరి, కానీ వాటిని ఎదుర్కొనే ధైర్యం మనిషి అసలైన శక్తి. ఒక క్షణం నిరాశలో తీసుకునే ఆఖరి నిర్ణయం - “ఆత్మహత్య” - మనకు మాత్రమే కాదు, మన కుటుంబానికి, మన సమాజానికి కూడా ఒక పెద్ద నష్టం.

ఎందుకు మనిషి ఇలా ఆలోచిస్తాడు.

- ఒత్తిడి %డ % నిరాశ: చదువు, ఉద్యోగం, వ్యాపారం లేదా సంబంధాల్లో విఫలమవడం.

- భావోద్వేగ దెబ్బలు: ప్రేమలో విఫలం, కుటుంబ కలహాలు, స్నేహితుల ద్రోహం.

- ఆర్థిక / ఆరోగ్య సమస్యలు: అప్పులు, ఉద్యోగం కోల్పోవడం, అనారోగ్యం.

- మత్తు పదార్థాల వాడకం: మద్యం, గంజాయి, డ్రగ్స్ మనసు మీద నియంత్రణ కోల్పోయేలా చేస్తాయి.

- సహాయం కోరడంలో వెనుకంజ: “నా సమస్యను ఎవరు అర్థం చేసుకుంటారు?” అన్న భావన.

ఇలా ఒక్కో కారణం ఒక చీకటి ఆలోచనను నెట్టేస్తుంది. కానీ నిజం ఏమిటంటే - సమస్యలు తాత్కాలికం. ప్రాణం శాశ్వతం.