వరలక్ష్మీ వ్రతం

వరలక్ష్మీ వ్రతం

- 

వరలక్ష్మీ వ్రతం హిందూ సంప్రదాయంలో ఎంతో విశిష్టత సంతరించుకుంది. ముఖ్యంగా దక్షిణ భారతదేశంలో స్త్రీలు ఆచరించే ఒక ముఖ్యమైన వ్రతం ఈ వరలక్ష్మీ వ్రతం . ఇది శ్రావణ మాసంలో పౌర్ణమికి ముందు వచ్చే శుక్రవారం (%ఖీతీఱయిఎ%) రోజు జరుపుకుంటారు. 2025 సంవత్సరంలో ఆగస్టు 8వ తేదీ శుక్రవారం నాడు వరలక్ష్మీ వ్రతం జరుపుకోనున్నారు. ఈ వరలక్ష్మీ వ్రతం రోజున లక్ష్మీదేవిని నిష్టతో, భక్తి శ్రద్ధలతో పూజిస్తే భోగభాగ్యాలు కలుగుతాయని ప్రగాఢ విశ్వాసం. అష్ట లక్ష్ములు అంటే.. ధనం, భూమి, విజ్ఞానం, ప్రేమ, కీర్తి, సంతోషం, శాంతి, బలం అష్టలక్ష్ముల రూపంలో ఉంటాయని అంటారు.

వరలక్ష్మీ వ్రతం ప్రాముఖ్యత

ఈ వ్రతం లక్ష్మీదేవికి అంకితం చేయబడింది. వరలక్ష్మి అంటే వరాలను ప్రసాదించే లక్ష్మీదేవి. భక్తి శ్రద్ధలతో ఈ వరలక్ష్మీ వ్రతాన్ని ఆచరించడం ద్వారా అష్టలక్ష్మీ ఆశీస్సులు పుష్కలంగా లభిస్తాయని తద్వారా ధనం, ధాన్యం, ఆయుష్షు, ఆరోగ్యం, సంతానం, విజయం, కీర్తి ప్రతిష్టలు, శాంతి, ఆనందం, శక్తి వంటి అష్ట ఐశ్వర్యాలు సిద్ధిస్తాయని భక్తుల ప్రగాఢ విశ్వాసం. ముఖ్యంగా పెళ్లయిన వివాహిత మహిళలు తమ కుటుంబం శ్రేయస్సు, భర్త ఆరోగ్యం, దీర్ఘాయుష్షు, పిల్లల భవిష్యత్తు కోసం ఎంతో నిష్టతో ఈ వరలక్ష్మీ వ్రతాన్ని ఆచరిస్తారు. ఈ వ్రతం గురించి సాక్షాత్తూ లయకారుడైన పరమేశ్వరుడే పార్వతీదేవికి వివరించినట్లు స్కాంద పురాణం చెబుతోంది.

వరలక్ష్మీ వ్రతం పూజా విధానం