లెజెండ్

మానవతావాది మండలి

- - దాసరి ఆళ్వారస్వామి 9393818199

ఒక శాసనసభ నియోజకవర్గంలో విపత్తులు సంభవించినప్పుడు కేంద్రమంత్రులు రావటం ఆశ్చర్యం కలిగిస్తుంది. అది ఒక అపూర్వ విషయంగా చరిత్రలో నిలిచిపోతుంది. అలాంటిది ప్రధానమంత్రి స్వయంగా ఆ ప్రాంతాన్ని పరిశీలించి, బాధితులను ఓదార్చి, సహాయ సహకారాలు అందించే ప్రయత్నం చేయటం అపురూప సంఘటనగా అభినందించవచ్చు. ప్రధానమంత్రికే పరిమితం కాకుండా స్వయంగా రాష్ట్రపతి విచ్చేయటం అనవచ్చు. అత్యద్భుత విషయం దేశంలోని ప్రముఖులే కాకుండా మదర్ థెరీసా లాంటి మహనీయులు విచ్చేయటం అపురూప విషయం. ఇలాంటి మహనీయులు, మహానుభావులు ఆ ప్రాంతం పర్యటించటానికి మూలకారణం ప్రకృతి ఆ ప్రాంతంలో సృష్టించిన భీభత్సం, వారిని ఆదుకోవటానికి స్థానిక శాసనసభ్యడు చేస్తున్న కృషి, శ్రమ మూలం. అంతటి మేధాసంపన్నులను తన నియోజవర్గానికి రప్పించుకున్న ఘనుడు మండలి వెంకట కృష్ణారావు అని గర్వంగా చెప్పవచ్చు.