పుట్టింటి గౌరవం

లహరి చిన్న పిల్లేం కాదు. తనకు అంతా తెలుసు, తను ఏం చేస్తోందో? ఎందుకు చేయబోతోందో ? అన్ని ఆమెకు తెలుసు.

- సింగంపల్లి శేష సాయి కుమార్ 8639635907

ఈ వారం కధ

లహరి చిన్న పిల్లేం కాదు. తనకు అంతా తెలుసు, తను ఏం చేస్తోందో? ఎందుకు చేయబోతోందో ? అన్ని ఆమెకు తెలుసు. ఎవరెన్ని మాటలు చెప్పినా వాటిని విని మంచి చెడ్డలు గ్రహించే అవగాహన ఉంది . అందుకనే అన్నిట్లో నెగ్గుకు రాగల శక్తి తన లహరికి పెళ్ళై దాదాపు అయిదు సంవత్సరాలు అవుతోంది. బాగా మంచి సంబందం కావాలని వెతికి వెతికి సంభందాన్ని కుదిర్చారు పెద్దలు. వాళ్ళు చూసిన దాన్ని ఆమె ఏనాడు తప్పు బట్టలేదు.

సంసారానికి వెళ్లిన మొదటి రోజు నుండి కూడా తాను ఎక్కడ ఉ ంటున్నానో అన్న అంశం గుర్తుపెట్టుకొని మరీ ప్రవర్తిస్తోంది.

తన పుట్టినింట్లో చేసిన దానికి, ఇక్కడ తాను చేసే దానికి ఎంతో వ్యత్యాసం ఉంది. ఉదయాన్నే ఆకలైతే ఇంట్లో అమ్మ చేసిన టిఫెన్ ను ఏమాత్రం మొహమాటం లేకుండా పెట్టుకొని తినేసేది, పక్క వాళ్లకు తక్కువ వస్తే వాళ్ళు వేరే చేసుకొని తింటారు అన్న భావన తనలో ఉ ౦డేది.

కానీ అత్త వారింట్లో చేసేదీ తనే, చేసిన తరువాత అందరికీ కొసరి కొసరి వడ్డించి మరీ మిగిలింది తృప్తిగా సరిపెట్టుకొనేది. అలా అని ఆ పనిని తను అయిష్టంగా కాకుండా ఎంతో ఇష్టంగా, తన గౌరవాన్ని తాను నిలబెట్టుకునే విధంగా ప్రవర్తిస్తూ చేస్తోంది. దీనివల్ల తనకు వచ్చే సంతోషం ఎవరితో పంచుకోలేనంత అద్భుతంగా ఉంది.

అక్కడ చేసే అల్లరి పనులు, ఇక్కడ తాను చేయలేక పోతోంది.