12వ ప్రవక్త హజ్రత్ యూసుఫ్ అలైహి సలాం

దివ్య ఖురాన్ లోని 12 వ అధ్యాయం (సుర) యూసుఫ్. దివ్య ఖుర్ఆన్ అల్లాహ్ యొక్క ప్రసంగం.

- -మొహమ్మద్ అబ్దుల్ రషీద్

దివ్య ఖురాన్ లోని 12 వ అధ్యాయం (సుర) యూసుఫ్. దివ్య ఖుర్ఆన్ అల్లాహ్ యొక్క ప్రసంగం. మొత్తం ఖుర్ఆన్ లో ఒక్క సుర యూసుఫ్ ను మాత్రమే అల్లాహ్ ఒక స్టోరీ లాగా చెప్పాడు. మొత్తం ఖుర్ఆన్ లో ఇదొక్కటే స్టోరీ. మిగతాదంతా అల్లాహ్ యొక్క ప్రసంగం. ప్రవక్త ముహమ్మద్ సల్లల్లాహు అలైహి వ సల్లం గారితో, ప్రవక్త యూసుఫ్ అలై గారి స్టోరీ వినిపించే ముందు ఇలా చెబుతున్నాడు: 

(1) ప్రవక్తా! మేము ఈ ఖుర్ఆన్ ను (వహి) సందేశం ద్వారా నీ వద్దకు పంపి అత్యుత్తమమైన రీతిలో సంఘటనలను, యదార్థాలను నీకు వివరిస్తున్నాము. ఇంతకుముందు ఈ విషయాలు నీకు ఎంత మాత్రం తెలియవు. (దివ్య) ఖురాన్: 12:3)

(2) ప్రవక్తా! ఇలా మేము పూర్వం జరిగిన సంఘటనల చరిత్రను నీకు వినిపిస్తున్నాము. మేము ప్రత్యేకంగా మా వద్ద నుండి నీకు ఒక జ్ఞాపిక (ఖుర్ఆన్ హితోపదేశం) ను ప్రసాదించాము. (దివ్యఖుర్ఆన్: 20:99-101) 

(3) ఇదేవిధంగా ప్రవక్తా! మేము మా ఆజ్ఞ ద్వారా ఒక ఆత్మ (దైవదూత) ను పంపి నీ వైపునకు (వహి) సందేశం ఇచ్చాము. గ్రంథం అంటే ఏమిటో, విశ్వాసం అంటే ఏమిటో నీవు అసలు ఎరుగవు. కానీ మేము ఆ ఆత్మ (దైవదూత)ను ఒక జ్యోతిగా చేసి పంపాము) దాని ద్వారా మా దాసులలో మేము కోరిన వారికి మార్గం చూపుతాము. నిశ్చయంగా నీవు రుజుమార్గం వైపునకు దారి చూపుతున్నావు.

(దివ్య ఖుర్ఆన్: 42:52 - 53)