కాకినాడ జిల్లా పోలీస్ 2024 వార్షిక నివేదక

- జిల్లా ఎస్.పి. విక్రాంత్ పాటిల్, ఐపీఎస్

- 

ఆంధ్రప్రదేశ్ రాష్ట్ర డి.జి.పి. ద్వారకా తిరుమలరావు ఐ.పి.ఎస్. గారి ఆదేశాల మేరకు కాకినాడ జిల్లా పోలీస్ శాఖ సమర్థవంతంగా పని చేయడం వల్లే 2024వ సంవత్సరం లో నేరాలు గణనీయంగా తగ్గాయని కాకినాడ జిల్లా ఎస్.పి. విక్రాంత్ పాటిల్ ఐ.పి.ఎస్., గారు మీడియాకు తెలియచేశారు. ప్రభుత్వం నుండి పూర్తి సహకారం లభించడం, పోలీసింగ్లో వినూత్న ఒరవడిని సృష్టించడం వల్లనే ఇది సాధ్యమైనదని, మరింత ద్విగుణీకృత ఉత్సాహంతో 2025లో మరింత మెరుగైన పోలీసింగ్, సేవలను అందిస్తామని వారు తెలియచేశారు.

రోడ్డు ప్రమాదాలు: రోడ్డు ప్రమాదాల వలన జరిగిన మరణాల 304 కేసులు 2023లో 295 నమోదు కాగా, 2024లో 287 కేసులు నమోదైనవి. 2023 సంవత్సరముతో పోలిస్తే 2024 సంవత్సరము 8 కేసులు తగ్గుదలతో 2.7 తగ్గుదల నమోదు కాబడినది.

రోడ్డు ప్రమాదాలలో గాయపడిన ప్రమాదాల (337, 338 కేసులు 2023 లో 440 నమోదు కాగా 2024లో 403 కేసులు నమోదైనవి. 2023 తో పోలిస్తే 2024లో 37 కేసులు తగ్గుదల తగ్గుదల శాతం 8.40%.

రోడ్డు భద్రత

జిల్లాలో జోన్ల వ్యవస్థ ఏర్పాటు, వినూత్న కార్యక్రమాల వల్ల, బ్లాక్ స్పాట్ ఐడెంటిఫికేషన్ మరియూ రెక్టిఫికేషన్, ప్రమాద సమయాలను గుర్తించి ఆ సమయాల్లో పోలీసు నిఘా, ఎన్ఫోర్సుమెంట్ పెంచడం జరిగింది. జిల్లాలోని 55 బ్లాక్ స్పాట్ లు మరియు ఇతర ప్రధాన కూడళ్ల వద్ద పోలీస్ సిబ్బందిని నియమించి, రోడ్ల పై వాహన చోదకులకు అవగాహన కల్పించి, ప్రమాదాలను గణనీయంగా తగ్గించడం జరిగింది. ఏ రోడ్లలో ప్రమాదాలు జరుగుతున్నాయో గుర్తించి తగు చర్యలు తీసుకోవడం, ఎస్.ఐ.సి.ఐ.ల నిరంతర స్వీయ నిఘా వలన ప్రమాదాలు గణనీయంగా తగ్గడం జరిగింది. రోడ్డు ప్రమాదాలు, రోడ్డు ప్రమాదాలలో సంభవించిన మరణాల సంఖ్య సైతం గణనీయంగా తగ్గాయి.

డ్రంక్ అండ్ డ్రైవ్