What3Words: છાના પગલે તરખાટ મચાવી રહી છે આ લોકેશન ઍપ

શરૂઆતમાં ફ્લોપ નીવડેલી આ ટેક્નિક હવે મોટી મોટી કંપનીઓને આકર્ષી રહી છે અને તગડી આવક પણ રળી રહી છે.

- 

એકસો ચોરસ ફૂટનાં ચોસલાંમાં દુનિયાના ભાગ કરી દરેકને ત્રણ શબ્દમાં ઓળખ..

બ્રિટનસ્થિત એક ઈવેન્ટ મૅનેજમેન્ટ કંપનીમાં કામ કરી રહેલા યુવાન ક્રિસ શેક્ટ્રિકને કાર્યક્રમનાં સ્થળે પહોંચવામાં મુશ્કેલી પડતી. જવાનું ક્યાંક હોય અને પહોંચી જાય ક્યાંક. જુદી જુદી GPS ઍપ્લિકેશન્સ વાપરી જોઈ, પણ ચોક્કસ સરનામે પહોંચવા માટે એકદમ સટીક ઍપ એક પણ ન મળી. એક વાર તો મ્યુઝિકનો આખો કાર્યક્રમ જ કોઈક અલગ જગ્યાએ પહોંચીને ચાલુ કરી દીધો. જેણે પૈસા ખર્ચીને ઈવેન્ટ બુક કરાવેલી એ સાચા યજમાને જે પાઠ ભણાવ્યો એમાંથી બોધ લઈને ક્રિસ શેક્ટ્રિકે આ મુસીબતથી બચવા કોઈ ઍપ બની શકે કે નહીં એની ચર્ચા કરી ભારતીય મૂળના મિત્ર મોહન ગણેશલિંગમ સાથે.