હેલ્થ સ્પેશિયલ

કુંવારપાઠું એક અસરકારક ઔષધ

- ડો. શ્રીરામ વૈધ

કુંવારના પાનને છરી વડે ચીરી ગર્ભ કાઢી તેમાં હળદર મેળવીને કમળાના રોગીને આપવાથી લાભ થાય છે. ચોળી નાખવાથી રસ બને છે. આ આ ગર્ભને રસ પણ એકથી બે ચમચી પીવાથી કમળો મટે છે.

આર્તવના દોષો, હરસ, આફરો, ગોળો અને કબજિયાતમાં કુંવારનો ગર્ભ અને હળદરથી ફાયદો થાય છે. કુંવારપાઠાના લાબાને દાઝેલા ભાગ પર લગાડવાથી ગમે તેવી બળતરા શાંત થાય છે, પાક થતો નથી. અને પાક થયો હોય તો રુઝાઈ જાય છે. આંખ આવી હોય તો લાબાને આંખમાં આંજવાથી આંખનો સોજો, ચીપડા, દુ:ખાવો, બળતરા, રતાશ વગેરે ખૂબ ઝડપથી મટે છે. કુંવારપાઠાનું ઘી જેવું લાબું ૧-૧ ચમચી સવાર-સાંજ ખાવાથી લિવર અને બરોળના રોગો મટે છે. લોહીની ઓછપ ઘટે છે.